പാനൂരിലെ കെഎസ്ഇബി ഉദ്യോഗസ്ഥരുടെ നല്ല മനസ് ; മാക്കൂൽ പീടികയിലെ ജാനുവിൻ്റെ ജീവിതത്തിൽ വെളിച്ചമെത്തി

പാനൂർ : പാനൂരിലെ കെഎസ്ഇബി ഉദ്യോഗസ്ഥരുടെ നല്ല മനസ് ; മാക്കൂൽ പീടികയിലെ ജാനുവിൻ്റെ ജീവിതത്തിൽ വെളിച്ചമെത്തി

Also read: കണ്ണൂരിൽ ഓടിക്കൊണ്ടിരിക്കെ തീ ഗോളമായി മാറി കാര്‍ ; ഡ്രൈവറും, കാഴ്ച പരിമിതിയുള്ള യാത്രക്കാരനും തലനാരിഴക്ക് രക്ഷപ്പെട്ടു.

കെ.എസ്.ഇ.ബി ഉദ്യോഗസ്ഥരുടെ കുറ്റവും, കുറവും പറയുന്നവർ അറിയണം. അവർക്കും ഒരു നല്ല മനസുണ്ട്.

കഴിഞ്ഞ മാസാവസാനം മാക്കൂൽ പീടിക ഭാഗത്ത് ഇലക്ട്രിക്ക് ലൈനുകൾക്ക് മീതെ അപകടകരമായ രീതിയിൽ ചാഞ്ഞ മരച്ചില്ലകൾ ഓവർസിയർ വി.ദിനേശൻ്റെ നേതൃത്വത്തിൽ മുറിച്ചു മാറ്റുകയായിരുന്ന ഉദ്യോഗസ്ഥരാണ് ഒറ്റമുറി വീട്ടിൽ കഴിയുകയായിരുന്ന മൊകേരി ഗ്രാമപഞ്ചായത്തിലെ ഏഴാം വാർഡിലെ കുണ്ടം ചാലിൽ ജാനുവിൻ്റെ കഥയറിയുന്നത്.

Also read: തിളച്ച വെള്ളം ദേഹത്ത് വീണ് പൊള്ളലേറ്റ് ചികിൽസയിലായിരുന്ന 4 വയസ്സുകാരി മരിച്ചു ; കണ്ണീരോർമ്മയായി പാനൂരിനടുത്ത് തൂവ്വക്കുന്നിലെ സൈഫ മോൾ.

ജീവിത സായാഹ്നത്തിൽ ഒറ്റപ്പെട്ട് കഴിയുകയായിരുന്ന ജാനുവിൻ്റെ അവസ്ഥ ദിനേശൻ ഓഫീസിലെത്തി പറഞ്ഞതോടെ ഉദ്യോഗസ്ഥർ വീട്ടിൽ വെളിച്ചമെത്തിക്കാൻ ഒറ്റക്കെട്ടായി നിന്നു. വിരമിച്ച ലൈൻമാൻ അബ്ദുള്ള വയറിംഗ് ജോലി ഏറ്റെടുത്തതോടെ കാര്യങ്ങൾ എളുപ്പമായി.

ഓണസമ്മാനമായി വീട്ടിൽ വെളിച്ചമെത്തിയതോടെ ജാനുവിൻ്റെ സന്തോഷത്തിന് അതിരുകളില്ലാതായി. കരഞ്ഞുകൊണ്ട് ജാനു ഉദ്യോഗസ്ഥർക്ക് നന്ദി പറഞ്ഞു. തലശേരി ഡിവിഷൻ എക്സിക്യൂട്ടീവ് എഞ്ചിനീയർ മഹിജ സ്വിച്ച് ഓൺ കർമ്മം നിർവഹിച്ചു.

Also read: ഇരിട്ടിയിൽ യുവാവിനെ കാണാനില്ലെന്ന് പരാതി

പാനൂർ അസി.എഞ്ചിനീയർ എം.അനുപ്രിയ അധ്യക്ഷത വഹിച്ചു. പാനൂർ സബ് ഡിവിഷൻ എക്സിക്യൂട്ടീവ് എഞ്ചിനീയർ സുധീഷ്, വാർഡംഗം പ്രസന്നകുമാരി, പാനൂർ ഓവർസിയർ കെ.സി വിജേഷ് എന്നിവർ സംസാരിച്ചു.

Good mood of KSEB officials in Panur; Light came into the life of Janu in Makool Peedika